FALCONTECA

  Este curso, no Club de lectura, os nenos/as de 2º de primaria leron o libro Cartas a Ratón Pérez. Unha divertida historia sobre este personaxe tan misterioso como entrañable. Arredor desta, levaron a cabo diferentes actividades como escribirlle unha carta entre todos/as para que viñera buscar un dente dunha nena ata crear a súa casiña nun recanto da clase. Pasárono xenial lendo a gran aventura na que o ratiño se veu envolto por axudar a un gato de nome Manchas Negras. Valores como a amizade, a valentía, a empatía e o agradecemento que se tratan neste libro, serviron para realizar reflexións conxuntas en tertulias animosas e cheas de humor.

  Este curso, no Club de lectura, os nenos/as de 1º de primaria traballaron arredor do libro ¡Vivan las uñas de colores ! A través desta historia, aprenderon a importancia de respectar a esencia de cada neno/a e a liberdade de expresarse. Foi unha lectura que lles permitiu reflexionar moito arredor de aspectos relacionados coa solidariedade, a empatía, o compañeirismo e a diversidade. Así, levaron a cabo múltiples actividades, como: lecturas grupais, debuxos, colocar unllas de cores con plastilina, murais... Verdadeiramente, foi unha lectura que deu para moito.

  Este curso, no Club de lectura, os nenos/as de 3º e 4º de primaria divertíronse moitísimo lendo o libro El mundo de Clodett. Superlío de gemelas . As súas aventuras foron realmente alucinantes! A partir desta historia, fixeron diferentes actividades, como: marcapáxinas, debuxos das protagonistas, crearon en plastilina os personaxes... A verdade é que pasaron un tempo moi entretido e cheo de risas!

  Este curso, no Club de Lectura, os nenos/as de 5º de primaria acompañamos a Antía Yáñez na aventura de Plan de rescate , unha novela que nos fixo rir, emocionarnos e reflexionar sobre a importancia da inclusión, a amizade e o traballo en equipo. A medida que avanzabamos na lectura, fomos realizando diferentes propostas para comprender mellor a historia e conectar cos seus personaxes. Entre elas, levamos a cabo actividades de comprensión lectora, tanto orais como escritas, que nos permitiron compartir impresións, formular hipóteses e comentar os acontecementos máis sorprendentes da trama. Tamén dedicamos unha sesión á dramatización dunha das escenas do libro. O alumnado recreou a noticia de que uns atracadores se atopaban dentro do colexio, converténdose por uns momentos nos protagonistas da historia. A actividade rematou cun tabló final que serviu para realizar a fotografía que decorará as portas das nosas aulas, transformadas este curso en auténticas salas de cine dentro do n...

 Por fin rematamos o noso conto enlazado! Unha actividade de escritura creativa na que participou todo o alumnado, dende infantil ata o último curso de primaria. Os/as peques crearon os personaxes e os demais nenos/as foron, pouco a pouco, elaborando a historia. Agardamos que vos guste!

 As nosas familias viñeron contarnos contos á Falconteca pola semana do libro